यस क्याम्पसमा अध्ययनरत स्नातक तह चौथो वर्षमा अध्ययनरत विद्यार्थीहरूको यस वर्षको लागि अर्धशुल्क छात्रवृत्ति फारम खुलेको जानकारी गराईन्छ । मिति २०७५ साल पौष १ गते देखि मिति २०७५ साल पौष १३ गते भित्रमा फारम भरि अनिवार्य रुपमा देहायका कागजात संलग्न गरी बुझाउनुपर्नेछ । समय भित्र फारम नभर्ने विद्यार्थीका लागि अर्को व्यवस्था हुने छैन ।
स्नातक तह तेस्रो वर्षको मार्कसिटको फोटोकपी बुझाउनुपर्नेछ,
अर्धशुल्क छात्रवृत्ति फारम भर्ने विद्यार्थीले अनिवार्य रूपमा विद्यार्थी परिचय पत्रको फोटोकपी संलग्न गर्नुपर्नेछ,
क्याम्पसको नियम पालन गरेको हुनुपर्छ,
एकै परिवारको एक भन्दा बढी विद्यार्थीहरू यसै क्याम्पसमा अध्ययनरत भएमा स्पष्ट विवरण उल्लेख गर्नुपर्नेछ,
आवेदकले आवेदन फारम भर्नुभन्दा पहिला अनिवार्य रुपमा आफ्नो सङ्काय अन्तरगतको कक्षामा भर्ना भएको हुनुपर्ने,
आवेदन फारममा विवरण ढाँट्न पाइने छैन,
आवेदन फारम दस्तुर बुझाई रसिद काटेको हुनुपर्नेछ,
क्याम्पसको सक्कली छाप लागेको आवेदन फारम मात्र प्रयोग गर्नुपर्ने छाप नभएको आवेदन फारमलाई मान्यता दिइने छैन,
आवेदन फारम शुल्क रु.५०÷– लाग्नेछ,
क्याम्पसले सञ्चालन गरेका सबै आन्तरिक मूल्याङ्कन परीक्षामा अनिवार्य रुपमा सामेल भएको हुनुपर्नेछ,
परीक्षा फारम भरीसकेपछि मात्र अन्तरवार्ता हुनेछ ।
(गीता अधिकारी)
संयोजक
छात्रवृत्ति तथा अर्धशुल्क व्यवस्थापन समिति